Kór Öldutúnsskóla í söngferð
Kór Öldutúnsskóla hélt í söngferðalag til Feneyja þann 10. maí sl. þar sem hann er staddur núna. Hópurinn hafði viðkomu í Amsterdam þar sem börnin spókuðu sig í miðbænum og sungu fyrir fólk á förnum vegi við vægast sagt mjög góðar undirtektir og eru það engar ýkjur að víða hafi sést tár á hvarmi.
Í dag mun kórinn sigla að Markúsartorginu og taka þátt í tónleikum margra kóra og hlómsveita í fallegri kirkju við höfnina. Aðaltónleikar kórsins verða í kvöld þar sem kórinn flytur hálftíma dagskrá. Á sömu tónleikum koma fram fleiri tónlistarhópar víðsvegar að úr heiminum.
Ferðin hefur gengið mjög vel og eru krakkarnir einstaklega duglegir og jákvæðir. Í dag fór hópurinn á frábært vísindasafn og svo skemmtilegan garð þar sem hægt var að skoða bæði skrið- og sjávardýr af ýmsum tegundum.
Kórinn lýkur þessari frábæru söngferð sunnudaginn 14. maí þegar þau snúa aftur á heimaslóðirnar í Hafnarfirði.
