Heimsókn á Þjóðminjasafnið
Í vikunni brugðu sér af bæ nemendur úr unglingadeild sem eru að læra íslensku sem annað mál. Þeir skelltu sér með kennara sínum á Þjóðminjasafnið og fengu frábæra leiðsögn frá kennara safnsins um sögu Íslands, allt frá landnámi til dagsins í dag. Ekkert þeirra hafði áður komið á safnið svo ferðin var mikil upplifun og skemmtu sér allir vel. Nemendur voru til algerrar fyrirmyndar, áhugasöm og kurteis.
