Öldutúnsskóli

Skrifstofa Öldutúnsskóla er opin til og með 16. júní. Opnar aftur mánudaginn 9. ágúst.

Opnunartími er frá 08:00 – 15:00.

Öldutúnsskóli hlaut styrk úr sjóðnum Forritarar framtíðarinnar nú á dögunum til kaupa á minni tækjum í forritunar- og tæknikennslu að upphæð 150.000 kr. Við erum afskaplega lukkuleg og þakklát fyrir það. Sjóðurinn sem við sóttum í er samfélagsverkefni sem hefur það hlutverk að efla og auka áhuga á forritunarmenntun og hagnýtingu á tækni í skólum landsins.

Í vetur höfum við verið að fikra okkur áfram í kennslu þegar kemur að forritun og tækni í skólastarfi. Sphero og Micro:bit hefur verið nýtt ásamt vefsíðum sem kenna okkur grunnatriðin í forritun. Við höfum einnig verið að kynna krökkunum fyrir möguleikum á notkun grænskjá í myndböndum og einnig notkun á mismunandi forritum eins t.d. Stop Motion, Clips og Imovie.

Krakkarnir eru spenntir og við full af tilhlökkun að halda áfram á þessari vegferð.

Skólaslit nemenda í 1. – 9. bekk fóru fram fimmtudaginn 10. júní. Nemendur mættu fyrst á sal þar sem þeir hlustuðu á ávarp skólastjóra og aðstoðarskólastjóra. Að lokinni athöfn á sal var farið í heimastofur þar sem nemendur fengu vitnisburð vetrarins.

Vegna sóttvarnaaðgerða mátti einungis einn forráðamaður mæta með hverju barni.

Starfsmenn Öldutúnsskóla þakka nemendum og foreldrum kærlega fyrir gott og gefandi samstarf í vetur. Hlökkum til að sjá ykkur fersk og endurnærð í haust.

Hér má nálgast myndir frá skólaslitum.