Kórastarf

Skólaárið 2020-2021

Kór Öldutúnsskóla var stofnaður 22. nóvember 1965 og er elsti starfandi grunnskólakór landsins. Kórinn og skólinn eru bundnir órjúfanlegum böndum í sögulegum skilningi. Þúsundir hafnfirskra barna hafa notið leiðsagnar í söng og tónlistarflutningi undir stjórn Egils Friðleifssonar og síðar Brynhildar Auðbjargardóttur. Kórinn hefur ferðast um allan heim, tekið þátt í kórakeppnum, kóramóturm og haldið tónleika bæði einn sér og með öðrum listamönnum. Hann hefur einnig sungið inn á fjölda geisladiska. Í tilefni 50 ára starfsafmælis kórsins var gefið út tímarit með sögu kórsins í máli og myndum, sjá hér.

Hér eru myndir frá afmælisveislu kórsins

Þann 22. nóvember nk. Verður kórinn 55 ára og verða þau tímamót mörkuð í samræmi við ástandið í þjóðfélaginu á Covid tímum.

Allir krakkar í 3. – 10. bekk eru velkomnir í kórinn.

Litli kór (3. – 4.bekkur) æfir á fimmtudögum í tónmenntastofunni kl. 13:35 – 14:15

Fyrsta æfing verður fimmtudaginn 3. september.

Það er nóg að krakkarnir mæti bara á æfinguna, það þarf ekki að skrá þau sérstaklega fyrirfram. Litli kór tekur þátt í afmæli kórsins, Syngjandi jólum í desember og jólatónleikum kóranna og Barnakóramóti Hafnarfjarðar í mars. Einnig heldur hann náttfatatónleika í apríl og gistir í skólanum á eftir. Öður hvoru er svo“Kórkaffi Brynhildar“ á kóræfingatíma þar sem söngvurunum verður boðið upp á léttar veitingar.

Hafa þarf þó í huga að vegna Covid er dagskráin breytingum háð.

Stóri kór (5. – 10. bekkur) æfir tvisvar í viku, á:

Mánudögum kl. 14:40 – 16:40 (nema þegar það er skipt í hópa, þá æfir hver hópur í 40 mínútur)

Miðvikudögum kl. 14:40 – 16:10

Margt spennandi er á dagskrá kórsins í vetur einu sinni sem oftar. Fyrsta verkefnið okkar verður með Sinfóníuhljómsveit Íslands 26. september í Eldborg! Við syngjum einnig talsvert í desember, höldum jólatónleika (með áhorfendum eða í streymi), förum í æfingabúðir, höldum afmælisveislu kórsins og fleira. Vortónleikar verða haldnir í maí.

Planið mun liggja fyrir nákvæmlega í byrjun september. Hafa þarf þó í huga að vegna Covid er dagskráin breytingum háð. Einnig ef ný verkefni dúkka upp.

Fyrsta verkefni kórstjórans var að athuga með útsetningu fyrir barnakór með hinu hugljúfa lagi Húsavík – My Hometown. J

Fyrsta æfing vetrarins:

Kórkrakkar síðan í fyrra: Miðvikudaginn 26. ágúst kl. 14:40 í tónmenntastofunni – þetta verður upplýsingarfundur og stutt æfing. Það er mikilvægt fyrir mig að sjá hvaða hóp ég hef síðan í fyrra vegna verkefnisins okkar með Sinfóníuhljómsveitinni. Ef einhverjir ætla ekki að vera með í vetur þá bið ég viðkomandi að kíkja til mín kl. 14:40 og ræða aðeins við mig, ég vil líka þakka fyrir samstarfið.

Nýir kórkrakkar mæta mánudaginn 31. ágúst kl. 14:40 í tónmenntastofuna J Ég vona innilega á ég sjái sem flesta.

Markmiðin með kórstarfinu eru eftirfarandi:

Að nemendur:

  • Upplifi gleði í samsöng með öðrum.
  • Þroski og þrói söngröddina (þar sem þau þjálfa undirstöðuatriði í raddbeytingu).
  • Þroski tóneyrað og hlustun (því að þau fá þjálfun í að hlusta vel bæði á sjálfan sig og aðra í kórsöngnum).
  • Öðlist reynslu af ólíkri tegund tónlistar.
  • Fái þjálfun í nótnalestri (stóri kór).
  • Myndi vinabönd og þrói og styrki þau.
  • Fari á kórmót, æfingabúðir og söngferðir utanlands- og innan.
  • Fái tækifæri til að koma fram.
  • Komi fram með öðrum tónlistarmönnum og taki þátt í fjölbreyttum verkefnum.
  • Syngi inn á upptökur.
  • Þroski einbeitingu, vinnusemi og seiglu.

Ef þið hafið einhverjar spurningar hafið samband við kórstjórann Brynhildi Auðbjargardóttur brynhildur.audbjargardottir@oldutunsskoli.is


Öldutúnsskóli | Öldutún 9, 220 Hafnarfjörður
Sími 555-1546 | Netfang oldutunsskoli@oldutunsskoli.is