Tilkynning frá Hafnarfjarðarbæ vegna fyrirhugaðra verkfalla

8.3.2020

Tilkynning frá Hafnarfjarðarbæ vegna fyrirhugaðra verkfalla

Mikilvægt er að allir hlutaðeigandi fylgist vel með fréttum affyrirhuguðu verkfalli. Öll starfsemi sveitarfélagsins munhaldast óbreytt ef ekki verður af verkfalli.

Eins og kunnugt er hafa Starfsmannafélag Hafnarfjarðar og BSRB boðað til verkfalla frá og með mánudeginum 9. mars. Ef til verkfalla kemur mun áhrifa þeirra gæta í skólastarfinu og biðjum við ykkur að lesa vel upplýsingar hér að neðan.

Starfsmannafélag Hafnarfjarðar hefur boðað verkföll á fyrirfram ákveðnum dagsetningum; dagana 9. og 10. mars, 17. og 18. mars, 24. mars, 26. mars, 31. mars og 1. apríl. Hafi samningar ekki tekist fyrir 15. apríl munu allir félagsmenn aðildarfélaga BSRB sem starfa hjá ríki og sveitarfélögum fara í ótímabundið allsherjarverkfall þar til samningar hafa tekist.

Um er að ræða um 660 starfsmenn hjá Hafnarfjarðarbæ sem flestir starfa innan grunnskóla sveitarfélagsins. Fyrirhugað verkfall nær m.a. til húsumsjónarmanna, ritara, skólaliða, frístunda- leiðbeinenda og stuðningsfulltrúa. Sérstök athygli er vakin á því að frístundaleiðbendur og starfsfólk frístundaheimila og félagsmiðstöðva mun frá og með mánudeginum 9. mars fara í ótímabundið verkfall sem þýðir að allt frístunda- og félagsstarf, fyrir og eftir skóla, fellur niður þar til samningar hafa tekist.

Áhrif á skólastarfið – LESIST VEL

Ef til verkfalla kemur þá munu áhrif m.a. verða með eftirfarandi hætti:
Mánudagur 9. mars og þriðjudagur 10. mars

 Hefðbundið skólastarf í Öldutúnsskóla
  • Yngri deild: Skólastarf er frá kl. 8:10 - 9:30
  • Miðdeild: Skólastarf er frá kl. 8.10 – 10:00
  • Unglingadeild: Skólastarf er frá kl. 8.10 – 12:00
  • Mánudagur: 9. bekkur mætir kl. 9:50, þar sem sundlaug er lokuð.

English

  • Between 08:10-09:30 Students in grades 1-4 start the day in their designated classrooms
  • Between 08:10-10:00 Students in grades 5-7 start the day in their designated classrooms
  • Between 08:10-12:00 Grades 8-10 will have lectures according to schedule
  • Monday: 9th grade will start 9:50 (the swimmingpool is closed)
  • Samræmt próf í íslensku í 9. bekk. Nemendur í 9. bekk sem eiga að taka samræmt próf í íslensku þriðjudaginn 10. mars mæta í skólann til að taka prófið og fara heim eftir próf. Hver skóli gefur sínum nemendum upp viðverutíma í prófinu
  • Sundlaugar, íþróttahús og menningarstofnanir bæjarins. Sundlaugar, íþróttahús og menningarstofnanir bæjarins verða lokaðar á fyrirfram ákveðnum dagsetningum. Bókasafn Hafnarfjarðar verður opið frá kl. 10-17 með fyrirvara um skerta þjónustu

Ótímabundið verkfall frá og með 9. mars

  • Frístundaheimili. Frístundaheimili verður lokað ótímabundið, bæði fyrir og eftir skóla, frá og með mánudeginum 9. mars. Ekki verður innheimt fyrir þjónustu sem fellur niður vegna verkfalls
  •  Félagsmiðstöð. Félagsmiðstöð verður lokuð ótímabundið frá og með mánudeginum 9. mars

Foreldrar og forráðamenn eru, sem fyrr segir, hvattir til að fylgjast vel með fréttum því grunnskólarnir munu vera með eðlilega starfsemi ef verkfall verður slegið af.


Öldutúnsskóli | Öldutún 9, 220 Hafnarfjörður
Sími 555-1546 | Netfang oldutunsskoli@oldutunsskoli.is