Þjónusta við samfélagið

3.12.2019

Öldutúnsskóli hefur ákveðið að halda áfram með þann jólasið að í staðinn fyrir að koma með jólapakka á jólaskemmtanir er óskað eftir að nemendur/starfsfólk komi með lokað umslag með frjálsu peningaframlagi sem afhent verður Mæðrastyrksnefnd Hafnarfjarðar. Nemendur afhenda umsjónarkennara sínum umslagið eða koma með það á skrifstofu skólans í síðasta lagi þriðjudaginn 17. desember.
Þessi nýi siður okkar tengist einkunnarorðum skólans Virðing Virkni Vellíðan. Fjármunum verður síðan safnað saman og afhentir formlega þann 20. desember. Nemendur í 3. bekk taka þátt í öðru samfélagslegu verkefni en þau eru að styrkja að þessu sinni SOS barnaþorp.


Öldutúnsskóli | Öldutún 9, 220 Hafnarfjörður
Sími 555-1546 | Netfang oldutunsskoli@oldutunsskoli.is