Niðurfelling á fæðisgjaldi

9.1.2019

Frá 1. janúar 2019 verður breyting á fæðisgjaldi til fjölskyldna með börn á grunnskólaaldri í Hafnarfirði. Gjald vegna hádegisverða eru felld niður á þriðja barn ef börn í sömu fjölskyldu eru fleiri en tvö á grunnskólaaldri í mataráskrift.

Niðurfelling á fæðisgjaldi er af mataráskrift elsta systkinis. Ef einhver barnanna sem um ræðir eru ekki í grunnskólum Hafnarfjarðar mun afsláttur gilda fyrir ,,elsta“ barnið sem er í grunnskóla bæjarins til hægðarauka í framkvæmdinni.

Í einhverjum tilvikum getur verið að fjölskyldusamsetning sé flóknari en svo að það náist utan um hana í fjölskyldunúmerinu í Þjóðskrá. Í þeim tilvikum þurfa forráðamenn að óska eftir afslættinum ásamt viðeigandi útskýringum á fjölskylduhögum á Mínar síður á vef bæjarins.

Afslátturinn tekur gildi frá þeim tíma sem sótt er um hann. Reglur verða birtar á vef bæjarins á næstu dögum.


Öldutúnsskóli | Öldutún 9, 220 Hafnarfjörður
Sími 555-1546 | Netfang oldutunsskoli@oldutunsskoli.is