Kór Öldutúnsskóla – upplýsingar og æfingar

22.8.2018

Kór Öldutúnsskóla var stofnaður 22. nóvember 1965 og er elsti starfandi grunnskólakór landsins.  Kórinn og skólinn eru bundnir órjúfanlegum böndum í sögulegum skilningi.  Þúsundir hafnfirskra barna hafa notið leiðsagnar í söng og tónlistarflutning undir stjórn Egils Friðleifssonar og síðar Brynhildar Auðbjargardóttur.  Kórinn hefur ferðast um allan heim, tekið þátt í kórakeppnum, kóramóturm og haldið tónleika bæði einn sér og með öðrum listamönnum.  Hann hefur einnig sungið inn á fjölda geisladiska.  Kórinn hélt upp á fimmtíu ára afmælið sitt sl. fyrir þremur árum með pompi og prakt.  Af því tilefni gaf skólinn út veglegtafmælistímarit þar sem saga kórsins er sýnd í máli og myndum.

 

Allir krakkar í 3. – 10. bekk eru velkomnir í kórinn.

Litli kór (3. – 4.bekkur)  æfir fimmtudögum í tónmenntastofunni kl.14:15 – 14:55.

Fyrsta æfing verður fimmtudaginn 6. september.  Það er nóg að krakkarnir mæti bara á æfinguna, það þarf ekki að skrá þau sérstaklega fyrirfram.  Litli kór tekur þátt í Syngjandi jólum í desember og jólatónleikum kóranna og Barnakóramóti Hafnarfjarðar í mars.  Einnig heldur hann náttfatatónleika í mars eða apríl  og gistir í skólanum á eftir.  Öður hvoru er svo“Kórkaffi Brynhildar“ á kóræfingatíma þar sem söngvurunum verður boðið upp á léttar veitingar.

Stóri kór (5. – 10. bekkur) æfir tvisvar í viku:

Mánudögum kl. 14:30 – 16:30.

Miðvikudögum kl. 15:00 – 16:30. 

Fyrsta æfing verður mánudaginn 10. september.  Ég hvet alla sem hafa áhuga að mæta þá.  Á dagskrá vetrarins er margt spennandi.  Við förum að öllum líkindum í skemmtilegt samstarf við hafnfirska tónlistarmenn og hópa í vetur. Meira um það síðar.  Kórinn fer einnig í lítið söngferðalag á vormánuðum – innanlands. Að vera í Kór Öldutúnsskóla er val.  Þeir sem velja að vera með þurfa að stunda æfingarnar vel.  Það þarf maður að sjálfsögðu að gera í öllu sem maður vill ná árangri í.  Það sem krakkarnir fá í staðin er eftirfarandi:

  • Góða sögrödd (þar sem þau þjálfa undirstöðuatriði í raddbeytingu).
  • Gott tóneyra (því að þau fá þjálfun í að hlusta vel bæði á sjálfan sig og aðra í kórsöngnum).
  • Reynslu af ólíkri tegund tónlistar.
  • Þjálfun í nótnalestri (stóri kór).
  • Mynda vinabönd og styrkja þau.
  • Fara á kórmót, æfingabúðir og söngferðir utanlands- og innan.
  • Syngja á tónleikum.
  • Koma fram með öðrum tónlistarmönnum og taka þátt í fjölbreyttum verkefnum.
  • Syngja inn á geisladiska eða í útvarpi/sjónvarpi (reglulega þó ekki endilega á hverju ári).

Verið velkomin!  Ef þið hafið einhverjar spurningar hafið samband við kórstjórann Brynhildi Auðbjargardóttur

brynhildur.audbjargardottir@oldutunsskoli.is


Öldutúnsskóli | Öldutún 9, 220 Hafnarfjörður
Sími 555-1546 | Netfang oldutunsskoli@oldutunsskoli.is