Öldutúnsskóla var slitið þann 3. júní  og var útskrift 10. bekkinga í Hafnarfjarðarkirkju við hátíðlega athöfn. Að athöfninni lokinni var öllum boðið til kaffisamsætis í Öldutúnsskóla.

Kór Öldutúnsskóla, undir stjórn Brynhildar Auðbjargardóttur, söng við upphaf stundarinnar.

Hjördís Guðbjörnsdóttir flutt ávarp fyrir hönd Rótarýklúbbs Hafnarfjarðar sem veitir viðurkenningu fyrir bestan heildarárangur á grunnskólaprófi. Það var Thelma Sigrún Torfadóttir sem hlaut hana að þessu sinni og óskum við henni hjartanlega til hamingju. Margir nemendur hlutu viðurkenningar fyrir góðan námsárangur, ýmis félagsstörf  og önnur verkefni sem þeir hafa unnið að með heiðri og sóma.

Það voru prúðbúnir nemendur sem tóku við útskriftarskírteinum sínum að lokinni 10 ára grunnskólagöngu sinni og fengu rauða rós.

Hlýhugur og hamingjuóskir fylgja þeim frá okkur í Öldutúnsskóla.

Hér eru fleiri myndir

Gleðilegt sumar

Skólastjórar og annað starfsfólk óskar nemendum sínum og foreldrum þeirra ánægjulegs sumarleyfis og þakkar ánægjulegt samstarf á skólaárinu.